Վազքն ու ադրենալինը դանդաղեցնում են քաղցկեղի աճը. tert.am

Ուռուցքաբանները բացահայտել են ֆիզիկական ակտիվության անսպասելիորեն դրական ազդեցությունը. մշտական մարզումները արտադրված ադրենալինի շնորհիվ օգնել են քաղցկեղով հիվանդ մկների մոտ դանդաղեցնել ուռուցքի աճն ու նվազեցնել դրա չափերը:  РИА Новости-ի հաղորդմամբ` այս մասին ասվում է Cell Metabolism ամսագրում հրապարակված հոդվածում:

«Մեզ հայտնի էր, որ լիմֆոցիտների ներթափանցումը բերում է քաղցկեղային ուռուցքի չափերի փոքրացմանը, սակայն մինչ այժմ ոչ-ոք չէր փորձարկել ֆիզիկական ծանրաբեռնվածության ազդեցությունը լիմֆոցիտների աշխատանքի վրա: Պարզվում է, որ ֆիզիկական ծանրաբեռնվածությամբ պայմանավորված՝ ադրենալինn այդ բջիջներն ուղղում է հենց ուռուցքի վրա», - հայտնել է Կոպենհագենի համալսարանի գիտնական Պերնիլա Հոջմանը:

Փորձարկումները ցույց են տվել, որ ֆիզիկական ծանրաբեռնվածության տակ գտնվող կենդանիների մոտ ուռուցքի չափերը կրճատվել են 61-67 տոկոսով` ի տարբերություն «հանգիստ» ռեժիմում գտնվողների:

Հարցեր, պատասխաններ, մեկնաբանություններ